amalinks wokungena

Breaking News

Inhlanganiso Ezizimeleyo Zethuswa Yisinqumo se Kimberley Process Sokuthi Akuthengiswe Amadayimana eZimbabwe


Inhlanganiso ezizimele zodwa lokhe zithithibele ngesinqumo esithethwe yi Kimberely Process Certification scheme eKinshasa kwele Democratic Republic of Congo sokuthi ele Zimbabwe sokumele liqalise ukuthengisa amadayimana eMarange, eManicaland Province.

Inhlanganiso lezi ezikhalale ukuya emhlanganweni owenziwe eDRC ngoLwesibili zithi okwethulwe yi Kimberley Process kwethuse lozulu eZimbabwe lakwamanye amazwe.

Zithi akumelanga ukuthi ele Zimbabwe liqalise ukuthengisa amadayimana ngoba imali yokuwathengisa idliwa yizikhulu leziphathemandla zebandla le ZANU PF.

Kodwa-ke umphathintambo wezemigodi uMnu. Obert Mpofu uthi okenziwe yi Kimberely Process kuyajabulisa.

Umnu. Mpofu uthi ele Zimbabwe lilakho ukwenza amabillion amadollar eMelika ngomnyaka ekuthengiseni amadayimana.

Lokhu sokuvuse inkophe zikazulu othi kambe ele Zimbabwe lingenza njani imali enengi kangaka njengoba bekubikwa ukuthi amadayimana athengiswayo kade angenzi imali emangalisayo.

Umnu. Effie Dlela Ncube oyisikhulumeli se Matabeleland Civic Society Consortium uthi akumelanga ele Zimbabwe liqalise ukuthengisa amadayimana lingakakhulumisani lenhlanganizo ezizimele zodwa, amabandla enkonzo lkanye lozulu.

Umnu. Mmeli Dube owe Bulawayo Agenda laye uthi okumangalisayo yikuthi uMnu. Mpofu usetshele umphakathi ukuthi amadayimana azakwenzela ele Zimbabwe imali enengi ngesikhathi kungakhanyi ukuthi imali yamadayimana athengiswayo okwamanje iyangaphi.

XS
SM
MD
LG