amalinks wokungena

Breaking News

Inhlanganiso ye Broadcasting Authority of Zimbabwe Inika Imsakazo Embili Amalicence


Inhlanganiso ebona ngokupha imsakazo amalicence okusebenza eye Broadcasting Authority of Zimbabwe (BAZ) isinike amalicese emsakazo kwabe AB Communications Radio kanye labe Zimbabwe Talk Radio.

Intatheli zindaba ye Studio 7 uMavis Gama ubika ukuthi iBAZ ithe iZimpapers le AB communications zibe lemklomelo edlula iKISS FM kaNkosikazi Musi Khumalo le Radio Voice of the People (VOP) kaMnu. John Masuku ngesikhathi encintisana ukuthola amalicence amabili okusakaza eZimbabwe asebenzisa amagagasi efree to air.

Inengi labantu eZimbabwe kanye lenhlanganiso ezimele imsakazo lamaphephandaba zithi ukuphiwa amalicence kwe Zimpapers lenkampani ka Mnu. Mandiwanzira kutshengisa sobala ukuthi atholwe yilabo abadlelana lebandla le ZANU PF.

Bathi kuvele akumangalisi ngoba iZi radio le Zimpapers Talk Radio zizabe zikhotha amathe ebandla leli elingafuni ukuthi kube lemsakazo ezimele yodwa kwele Zimbabwe.

Esethula umbiko wokunika amalicence la, umqondisi we BAZ uMnu. Tafataona Mahoso ubikwa ethe iBAZ isizacela njalo ukuthi amankampani afuna ukuvula imsakazo ekhanda imali alungise ingwalo ezijulileyo ezitshengisa ukuthi ayenelisa ukusebenza eZimbabwe. Katshongo-ke ukuthi ingwalo zizafunakala nini eBAZ.

Umnu. Masuku uthe loba nje kubadabule inhliziyo ukuthi iBAZ kayibanikanga ilicence, akulahlwa mbeleko ngokufelwa.

Kodwa-ke uMnu. Njabulo Ncube ongumgcinisihlalo we Media Institute of Southern Africa kwele Zimbabwe uthe okwenziwe yiBAZ kuyayangisa loba nje bekukhangelelwe ukuthi kuzakwenzakala.

XS
SM
MD
LG