Inhlanganiso ephathisa amazwe omhlaba ngemali, eye International Monetary Fund (IMF) isithumele iqula layo ukuthi liyehlolisisa umumo wenotho eZimbabwe.
Iqula leli likhangelelwe ukwenza imhlangano etshiyeneyo labamphathintambo abagoqela owezemali uMnu. Tendai Biti, owezokuthuthukisa inotho uMnu. Tapiwa Mashakada kanye losibalukhulu webhanga elikhulu lelizwe iReserve Bank of Zimbabwe uMnu. Gideon Gono.
Iqula leli likhangelelwe ukuhlaziya umumo womnotho, ezombusazwe kanye lesikwelede se IMF esithwalise nzima ele Zimbabwe.
Loba ezinye iziphathamandla zikahulumende zicabanga ukuthi isikwelede lesi singaxolelwa, kusobala ukuthi i IMF ifuna sibhadalwe.
Ingcwethi kwezenotho uMnu. Walter Nsununguli Mbongolwane utshele uGibbs Dube we Studio 7 ukuthi ngemva kwaloluhambo iqula le IMF lilakho ukuloba ugwalo oluvuthayo oluzakhomba ukuthi ele Zimbabwe lihlutshwa ngezombusazwe.
