Inhlanganiso ekhangelane lokuthengiswa kwamadayimana emhlabeni jikelele eye Kimberley Process ibikwa isinqume ukuthi kumele inkampani ye Mbada kuphela ivunyelwe ukuthi ithengise amadayimana enjiwa eMarange kwele Zimbabwe njengoba eye Canadile lamanye amathathu engaziwa ukuthi ayenzani koChiadzwa.
Kubikwa kuphinde kwavunyelwana ukuthi kwesulwe esinye isinqumo esathathwa kudala sokuthi akumelanga ele Zimbabwe lithengise amadayimana ngenxa yokuthi kulobudlwangudlwangu elizweni njalo kusephulwa ilungelo loluntu.
Inhlanganiso ye Kimberley Process isithumele uhulumende we Zimbabwe ugwalo olulezinqumo lezi lezinye ezijulileyo okumele azilandele nxa efuna ukuthengisa amadayimana embiwa eMarange.
Izinqumo lezi zikhanya zilakho ukudala ukungezwani ehlanganisweni ye Kimberley.
Umphathintambo wezemigodi uMnu. Obert Mpofu uthi iZimbabwe isidiniwe ngokukhuluma ngodaba lokuthengisa amadayimana eMarange.
