amalinks wokungena

Breaking News

Inhlanganiso ye World Economic Forum Ithi iZimbabwe Isizama Ukusebenza Okukhaliphileyo


Inhlanganiso yeWorld Economic Forum ithi ele Zimbabwe liyazama ukuthuthukisa inotho lokulungisa okuhluphayo elizweni njengoba lonyaka liyenelise ukukhuphuka kancane kungalane ehlolisisa okwenzakala emazweni atshiyeneyo adlula ikhulu lamatshumi amane.

Ugwalo olusanda kwethulwa yiWorld Economic Forum luthi ekuncintisaneni lamanye amazwe kuhlelo lweGlobal Competitiveness Index kwalonyaka kusiya ngomnyaka ozayo, iZimbabwe ikhuphuke engalanini le isuku kukhulu lamatshumi amathathu lasitshiyangalombili yafika okwedlula kancane ikhulu lamatshumi amathathu.

Inhlanganiso le ithi lokhu kwenziwe yikuthi ilizwe leli lilwisana lobusela, ubuvila lokungazi ukusebenza kumankampani kahulumende loba nje kusakude phambili ukuthi konke lokhu kulungiswe.

Iphinde yathi loba umumo wenotho usungcono, osomabhizimusi abafuna ukuvula amafekithali eZimbabwe bethuswa luhlelo lokwabelana amashares amankampani emazweni olwe Indigenization.

Yikho lokhu-ke lokungathuthukisi ezemfundo lezempilakahle okwenze ukuthi ele Zimbabwe lingakhuphuki kakhulu kungalani le.

Ingcwethi kwezenotho uMnu. Masimba Kuchera uthi kuliqiniso okuvezwe yinhlanganiso le ezama ukukhuthaza ubudlelwano bamazwe atshiyeneyo.

XS
SM
MD
LG