amalinks wokungena

Breaking News

Inhlanganiso yeZifa Ifundisa Abaqeqetshi Nogokuphatha Okhekhe Abaleminyaka Elitshumi


Wilson Mutekede

Inhlanganiso ye Zimbabwe Football Association ngempelaviki edluleyo iqhube uhlelo lokufundisa abaqeqetshi abasebenza labasakhulayo ukuba baphathe njani okhekhe abaleminyaka elitshumi kusiya kutshumi lambili.

Isiphathamandla senhlanganiso ye Zimbabwe Football Association Bulawayo Province uMkhululi Mthunzi uthi lonyaka balenhlelo ezokusungula iligi yabantwana abasakhulayo abaleminyaka elitshumi kusiya kutshumi lambili.

UMthunzi uqhubekele phambili wathi bakubone kufanele ukuba phambilini kokusungula loluhlelo kulendingeko eyokuba abaqeqetshi abazasebenza lalaba bantwana befundiswe ukuba baphathwa njani abantwana laba.

Kutsho uMthunzi: “Abaqeqetshi sibabuthanisile lapha ukuthi sibafundise ngoba inengi labo bavele abalawo amaphepha kodwa sifuna babe lawo amaphepha babe kwazi ukuthi abantwana laba esizabe sisebenza labo babanjwa njani.

Abantwana laba behlukile kabafani labanye abadlali yikho sifuna umuntu ozakuba kwazi ukuba kabenziwa lokhu, abadlalise lemidlalo ezakwenza bekhwabithe umdlalo wenguqu.”

Abaqeqetshi abangamatshumi amane abaqeqetsha amaqembu adlala kusigaba se Bulawayo Province Junior League baphatheke kulezizifundo ebeziqhutshwa ngumqeqetshi olodumo uGibson Homela lomqondisi wenhlelo ezokuqeqetsha kunhlanganiso ye Zifa uWilson Mutekede.

UHomela lo Mutekede bebencediswa ngabaqeqetshi abaphatheke kunhlelo ezokuqeqetsha abasakhulayo ezaqhutshwa ngaphansi kokuqondisa kwenhlanganiso ye Fifa uKhotso Nare kanye lo Sabina Shumba.

“Silabaqeqetshi esabahambisa kunhlelo ze Fifa Grassroots esesithe kibo kababuye bezophakela labo ababesele ngekhaya lokho abakufundayo. Ngokwakuqala mhlawumbe ukuba lokhu kwenzakale ukuba labo abafundiswe yi Fifa batholakale sebefundisa abanye babo edolobheni lako Bulawayo,” kutsho uMthunzi.

Loluhlelo luqhutshwe ngoMgqibelo langeSonto.

Nyakenye inhlanganiso ye Zifa Bulawayo Province Junior League isungule iligi yabaleminyaka engaphansi kwamatshumi amabili ngemva kokuba sekunanzelelwe ukuba abafana abayabe sebedlulise iminyaka elitshumi lathoba minwe mbili bayaswela ukuba bedlale ngaphi becine betshiya ukudlala ibhola.

please wait

No media source currently available

0:00 0:02:04 0:00

Facebook Forum

XS
SM
MD
LG