amalinks wokungena

Breaking News

Inhlanganiso yeFootballers Union of Zimbabwe Idingela Abadlali Benguqu Imisebenzi


Uhlelo lokudingela abadlali bomdlalo wenguqu abangaqhatshwanga imisebenzi luqale namhla edolobheni lako Bulawayo.

Uhlelo lolu luqhutshwa yinhlanganiso emela amalungelo abadlali bomdlalo wenguqu kwele Zimbabwe eye Footballers Union of Zimbabwe njalo indikimba yohlelo lwalonyaka ngethi ‘I Play Fair Say No To Drug Abuse’.

Nyakenye loluhlelo luqhutshelwe endaweni ye Heath Streak Cricket Academy ikanti lonyaka loluhlelo luqhutshelwa enkundleni ye Barbourfields njalo isiphathamandla sehlanganiso ye FUZ uNomsa Boyz Moyo ukhuthaze abadlali ukuba basebenzise lelithuba ukuze bathole imisebenzi.

“Uhlelo lwethu siluqalise namhla olwe Footballers Union of Zimbabwe Out of Contract Training Camp njalo besikhuthaza abadlali abangela misebenzi ukuthi bebuye enkundleni yeBarbourfields kusasa ekuseni ngehola letshiyagalo mbili sibe labo lapha.

Sinxuse abaqeqetshi abanengi abasuka kumaqembu amakhulu ukuthi labo bebuye bezobona bedinga dinga ukwenzela ukuba labo beqinise amaqembu abo ngomnyaka lo oka 2018.”

NgoLwesibili ngosuku lwakuqala kube labadlali abangamatshumi amathathu lanye ababuyileyo ukuzophatheka kuloluhlelo kodwa uNomsa uthi ukhangelele ukuba lelinani likhuphuke ngoba namhla abanye abadlali besuke balahleka baya eHeath Streak Academy.

Loluhlelo olokudingela abadlali imisebenzi seluleminyaka emihlanu lwasungulwa njalo uNomsa uthi banengi abadlali asebesizakele ngokuthola amaqembu okudlalela.

“Eminyakeni edluleyo sisiba laloluhlelo bakhona abadlali abathethwe ngamanye amaqembu amakhulu. Lonyaka lakho sikhangelele ukuba sithole futhi abanye abadlali abazadlalela amaqembu amakhulu ngoba yiyo injongo yethu thina abe Footballers Union ukudingela abadlali imisebenzi.”

Abadlali ababedlalela iqembu le Highlanders kanye leqembu lesizwe uDazzy Kapenya kanye lo Joel Luphahla yibo abaqeqetsha abadlali laba abadinga imisebenzi njalo abazakhethwa ekupheleni kohlelo ngoMgqibelo bazahlanganiswa lalabo abakhethwe kuhlelo olufanayo oluqhutshelwe esigodlweni iHarare ensukwini ezisanda kwedlula kubunjwe iqembu elizakuyadlala elizweni le South Africa injongo kungeyokuyabadingela amaqembu khonale.

Udaba Esilethulelwe NguJoseph Njanji
please wait

No media source currently available

0:00 0:02:07 0:00

Facebook Forum

XS
SM
MD
LG