amalinks wokungena

Breaking News

Inhlanganiso yeHeal Zimbabwe Trust Ikhuthaza Uhulumende Ukuthi Aqede Izehlakalo Zodlakela Elizweni


I-Heal Zimbabwe Trust inikeze iphalamende ugwalo olumumethe lezi izikhalazo ngoLwesithathu.

Inhlanganiso elwela ilungelo loluntu eye Heal Zimbabwe Trust ithi kufanele uhulumende enqabele izehlakalo zodlakela ezimemethekayo elizweni kanye lokuhlukuluzwa kwenkokheli zomdabu ngoba kungabangela ukuthi ukhetho oluzayo lungabi ngolukhululekileyo.

I-Heal Zimbabwe Trust inikeze iphalamende ugwalo olumumethe lezi izikhalazo ngoLwesithathu.

Inhlanganiso le ithi kufanele kuguqulwe imithetho yokhetho njalo iphalamende kufanele ikhuthaze iNational Peace and Reconciliation Commission, leZimbabwe Human Rights Council, kanye lohulumende ukuthi beqinise imizamo yokulondoloza ukuthula.

lbandla leCitizens Coalition for Change lithi liyahlukuluzwa ngamalunga eZANU PF ezigabeni ezehlukeneyo zelizwe nxa likhankasela ukhetho, kodwa isiphathamandla sebandla elibusayo uMnu. Tafadzwa Mugwadi ukuphikile lokhu kungxoxo leStudio 7. Uthe amapholisa kufanele abophe labo ababangela udlakela kungakhethelekile ukuthi ngabaliphi ibandla.

Ukuhlaziya ukuthi udaba lolu lungaphathwa njani, sixoxe loMnu. Thandeko Zinti Mnkandla, owayemela i-Gwanda North edale lephalamende

Facebook Forum

XS
SM
MD
LG