amalinks wokungena

Breaking News

MPOI: Banengi Abaswela Ukudla eMatabeleland leMidlands

  • Sithandekile Mhlanga

Inengi labantu elizweni libikwa lingafinyeleli amanzi ahlanzekileyo, amagetsi, ezimpilakahle, kanye lemali emabhanga

Inhlanganiso ye Mass Public Opinion Institute ithi inani labantu abaswela ukudla elizweni, ikakhulu ezigabeni zeMatabeleland le Midlands liqongile kakhulu.

Isiphathamandla esibona ngokudingisisa kulinhlanganiso, uMnu. Stephen Ndoma utshele iStudio 7 ukuthi eMatabeleland North abantu abathi baswela ukudla bangaba yisilinganiso sokumatshumi athoba munwemunye lanye ekhulwini- 91%, eMatabeleland South bayisilinganiso sokungamatshumi athoba minwe mbii lane ekhulwini-84%, e Midlands bayisilinganiso sokungamatshumi athobaminwe mbili lantathu ekhulwini- 83%.

Uthe isigaba se Mashonaland West le Manicaland silabantu abangaba yisilinganiso sokungamatshumi amahlanu lanhlanu ekhulwini- 55% lamatshumi amahlanu lantathu ekhulwini-53% ngokulandelana kwazo abakusimo esifanayo, kukanti eHarare balutshwana abathi baswela ukudla nxa beqathaniswa lezinye izigaba ngoba beyisilinganiso sokungamatshumi amathathu lasithupha ekhulwini-36% kuphela.

UMnu. Ndoma ugcizelele ukuthi inengi labantu elizweni alifinyeleli amanzi ahlanzekileyo, amagetsi, ezimpilakahle, kanye lemali emabhanga.

UMnu. Effie Dlela-Ncube, ingcwethi ecubungula ezombusazwe, njalo engumgcinisihlalo wenhlanganiso yeNational Association of Non-Governmental Organizations utshele uSithandekile Mhlanga weStudio 7 ukuthi umbiko we Mass Public Opinion Institute uveza iqiniso ngokwenzakala elizweni.

please wait

No media source currently available

0:00 0:01:58 0:00
Lapho esitholakala khona
XS
SM
MD
LG