Inhlanganiso esanda ukubunjwa yizakhamizi zeMakhandeni koBulawayo, ebizwa ngokuthi ‘Open Heart” ithi inikeza ukudla abantwana abedlula ikhulu lengxenye yalo nsuku-zonke, njalo idinga uxhaso lokuqoqa olunye uncedo ukwenzela ukuthi isize asebeluphele labanye abaswelayo.
Kudingakala ukudla, impahla zokuzivikela kugcikwane leCOVID 19 ezigoqela ama masks lama hand sanitizers, ukudla kokupheka, kanye labantu bokuncedisa ngaphandle kwembadalo, ama volunteers.
Isiphathamandla salinhlanganiso uNkosikazi Cora Ndebele uthi kwesinye isikhathi banikeza lokhu ukudla abesifazana abazithweleyo ngoba labo besithi bayalamba.
Uthi abantwana baphiwa ilambazi kuphela ekuseni, ngoba abasapheki ukudla kwantambama ngenxa yokusilela kwempahla.
Asizweni uNkosazana Ndebele echasisa ngaloludaba ngokugcweleyo.
