Inhlanganiso yeWorld Food Program (WFP) ithi yengeze inani labantu abalambayo ebaphathisa ngokudla lafika kuzigidi ezine, 4.1 million, ngoba ingathembi ukuthi uhulumende uzakwenelisa ukuqhubeka esabela abantu abayizigi ezithathu, 3 million ukudla nanku uhlala ekhala ngokuswela imali.
Embikweni ewethule izolo inhlanganiso le ithe umumo wendlala ukhangelelwe ukuqhubeka ngomnyaka ozayo ngoba kungelazulu elaneleyo kanti lentengo yokudla lenhlanyelo layo ingafinyelelwa ngabantu abanengi.
Ithi izaqhelisa inhlelo zayo zokwabela uzulu ukudla endaweni zonke zelizwe ezigoqela emadolobheni lapho ethi kulabantu abangena kusilinganiso sokungamatshumi amathathu ekhulwini, 30 percent abadinga uncedo lokudla ngokuphuthuma.
Umeli weBulilima West edale lephalamende uMnu Dingumuzi Phuthi uthi okwenza umumo ubemubi kakhulu ngosomabhizimusi abakhweza intengo mahlayana nje.
