amalinks wokungena

Breaking News

Inhlanganiso yeZCTU Iqoqa Ukukhalala Umsebenzi Phezu Kokuxotshwa Kwama Nurse


Workers

Inhlanganiso yezisebenzi, eye ZCTU iqoqa ukutshengisela kwezisebenzi kulandela ukuxotshwa umsebenzi kwama nesi okwenziwe nguhulumende.

Inhlanganiso le ithi ikhulumisana lenhlangothi zonke zezisebenzi ezikumananyano we ZCTU ukuthi zisekele inyathelo elifuna ukuthathwa yilinhlanganiso.

Uhulumende uxotshe ama nesi ilizwe lonke jikelele adlula izinkulungawene ezilitshumi lasikhombisa, i16 000, ngolwesibili wazisa ukuthi usezaqatsha abanye asebatshiya umsebenzi.

Umsekeli kamongameli welizwe esethula isinqumo sokuxotsha onesi uthe kukhanya sebengenisa ezombusazwe.

Kodwa unobhala jikelele wenhlanganiso ye ZCTU, uMnu. Japhet Moyo utshele istudio seven ukuthi uhulumende uyehluleka ukunakekele izisebenzi zakhe njalo usedinga indwangu lalapho okungelantaba khona.

Kwaqala kwatshengisela odokotela kumaviki amabili adluleyo kodwa babuyela ngemva kokukhwezelwa iholo labo.

Kwasekulandela onesi kuyonale iviki baxotshwa. Ezinye izisebenzi zikahulumende ezibalisa amatitshala lazo zibikwa zikhulumisana ngokuthi zibeke phansi izikhali.

Facebook Forum

XS
SM
MD
LG