amalinks wokungena

Breaking News
Inhlanganiso yezifundi ye ZINASU ithi isekela ibandla le MDC elikhokhelwa nguMnumzana Morgan Tsvangirai, kukhetho oluzayo isithi lokhu kungaphathisa ukulondolozwa kwamalungelo abantu lokuletha umbuso okhululekileyo elizweni.

Ekhuluma emhlangano lentathelizindaba eHarare ngolweSibili kulandela umhlangano wNational Council ye ZINASU ngayonale impelasonto edluleyo umkhokheli wale inhlanganiso uMnuzana Pride Mukono uthe izifundi zikhethe ukusekela ibandla le MDC-T kukhetho oluzayo ngezizatho ezehlukeneyo.

IZINASU ilamalunga edlula inkulungwane ezilikhulu lamatshumi amahlanu -150 000 njalo zikubanga lokwenelisa ukuvotha kukhetho, ngakhoke abatsha bathi kusobala ukuba ibandla elingathola usekelo lwezifundi ngobunengi bazo lingancendakala kakhulu ukunqoba kukhetho oluzayo olukhangelelwe ukwenziwa khona lonyaka.

Kunjalo nje komunye njalo umhlangano lentathelizindaba inhloko kahulumende uMnumzana Morgan Tsvangirai uthi lokhe kungela kuzwisisana kuhulumende womanyano ngodaba lwequla lenhlanganiso yomanyano wamazwe womhlaba ele United Nations elilokhe livalelwe kwele South Africa lisaliswa ukungena eZimbabwe limelele imvumo yokuzohlola umumo elizweni ngaphambilini kokhetho.

Uhulumende we Zimbabwe uthi ufuna usekelo lwemali ezaphathisa ukuqhutshwa kokhetho oluzayo kulinhanganiso yona isithi ifuna ukuqala ingene elizweni, ihlole umumo wezinto iphinde ibambe imihlangano lenhlanganiso ezitshiyeneyo ingakathathi inyathelo lokunikeza kumbe ukwala ukupha lolosizo.

please wait

No media source currently available

0:00 0:03:54 0:00
Lapho esitholakala khona
XS
SM
MD
LG