Inhlanganiso ebona ngabathutha emazweni abo omdabu besiyahlala kwamanye amazwe eye International Organization for Migration (IOM) isinikeze ugatsha lukahulumende lwe Zimbabwe National Statistics Agency (Zimstat) imtshina yokubala inzalo ye Zimbabwe ehlala emazweni atshiyeneyo.
Isikhulumeli senhlanganiso le uMnu. Knowledge Mareyanadzo uthi banike iZimstat ama computers alitshumi, amalaptops ayisikhombisa, ama printers amabili kanye lesigxingi sokugcina okuzatholakala kuzulu.
UMareyanadzo uthi inhlanganiso yakhe ikhangelelwe ukuthi yenze umhlangano ngoLwesihlanu le Zimstat kuhlaziywa indlela ezizasetshenziswa zokubala inzalo ye Zimbabwe esabalale umhlaba wonke.
Uthi uhlelo lolu lokubalwa kwabantu laba olulakho ukuqhutshwa ngomnyaka ozayo ka 2012 lukhangelelwe ukuveza inani labantu be Zimbabwe asebathuthela emazweni njalo kuhluzisiswe ukuthi lalabantu bangenza njani ukuthi bancedise ukuthuthukisa ilizwe labo.
Okwamanje abaziwa ukuthi bangaki abantu be Zimbabwe abahlala emazweni.
Umqondisi we hlanganiso yabahlala emazweni eye Association of Zimbabweans Based Abroad uMnu. Dumaphi Mema uthi kuyabukeka lokhu okwenziwa yi IOM le Zimstats kodwa ukubalwa kukazulu bekungenziwa ngendlela efaneleyo nxa kungenziwa yinhlanganiso ezimele yodwa hatshi uhulumende.
Ingcwethi kwezokubala abantu uMnu. Khumbulani Tshuma uthi kuzabanzima ukubalwa kwalabo abahlala emazweni njengoba besabalele umhlaba wonke.
Inhlanganiso Ye IOM Isebenzelana le Zimstats Kuhlelo Lokubala Inzalo ye Zimbabwe Esemazweni
- Gibbs Dube
