amalinks wokungena

Breaking News

Inhlangansiso Ye Bill Gates Foundation Isifuna Ukuvula Inkampani eZimbabwe Yokwenza Umlilo Kagetsi Ngengcekeza


Inhlanganiso kaMnu. Bill Gates umqondisi wenkampani ye Microsoft eye Bill and Melinda Gates Foundation ibikwa isifuna ukuvula inkampani eHarare yokwenza umlilo kagetsi ngengcekeza etshiyeneyo.

UMnu. Muchadeyi Masunda umayor wedolobho le Harare uthi inhlanganiso le isiqhatshe inkampani ekhangelane lokusetshenziswa kwengcekeza ekulungiseni umlilo kagetsi ukuthi ihlolisise ukuthi lokhu kungenziwa njani eZimbabwe.

UMasunda katshongo ukuthi iGates Foundation izafaka imali enganani ekwenzeni lokhu okucatshangelwa ukuthi kuzasusa ingcekeza ebantwini njalo kuvulele uzulu amathuba amanengi awomsebenzi.

Inhlanganiso le okwamanje ilohlelo lokwakhela uzulu izindlu elokitshini le Dzivarasekwa eHarare.

UMnu. Elton Mangoma umphathintambo obona ngezamandla kagetsi uthi okufuna ukwenziwa yi Gates Foundation kuzanceda kakhulu idolobho leHarare ikakhulu ekulahleni ingcekeza.

Umnu. Masimba Kuchera ingcwethi kwezenotho uthi iHarare ilakho njalo ukwenelisa ukulahla ingcekeza ngendlela eyenziwa emazweni entshonalanga ayisebenzisa ukwenza umlilo kagetsi.

XS
SM
MD
LG