Uhulumende weZimbabwe uthi wenelisa ukugcwalisa izithembiso zakhe zokuzama ukulandela izimiso leziqondiso zokwenqabela ukumemethetheka kwegcikwane le HIV elibangela umkhuhlane wengculaza owe AIDS, ezama Millennium Development Goals.
Lokhu uhulumende uthi kugcizelelwa linani labantu eselibulawa yileli gcikwane ngelanga nxa kuqathaniswa leminyaka edluleyo.
EleZimbabwe like laba lenani eliphezelu kakhulu labantu abababulawa yisifo sengculaza ngomnyaka ka 2002 lapho okwakusifa khona abantu abazinkulungwane ezintathu-3,000, ngeviki. Kodwa kathesi asebephelelwa ngumpefumulo babikwa bengedluli inkulungwane eyodwa ngeviki, njalo ingcwethi kwezempilakahle zithi inani leli likhanya lizaqhubeka lisehla.
Ukuhlaziya loludaba uChris Gande weStudio Seven uxoxe lophila legcikwane, uMnu. Obert Banda njalo olwela ilungelo labaphila legcikwane le HIV.
