Inhloko kahulumende, uMnu. Morgan Tsvangirai uthi eminye imithetho yelizwe engalotshwanga kakuhle lokungezwani okukhona phakathi kwenkokheli ebumba uhulumende womanyano ngezinye zezizatho ezivimba abamabhizimusi bakwamanye amazwe ukuthi bangakhwabithi ukuza eZimbabwe ukuzo sungula amanye amabhizimusi.
UTsvangirai wethule lamazwi ese Tokyo, kwele Japana ngolweSithathu emhlanganweni we weZimbabwe Investment Conference owenziwa ngenjongo yokuhuga abamabhizimusi abakwele Japan ukuthi beze eZimbabwe.
Inhloko kahulumende isole kakhulu abanye bayo abakuhulumende womanyano ngokusekela umthetho wokuthuthukisa abamabhizimusi abensundu, owe Indigenization athi uzenqabela intuthuko yelizwe.
UChris Gande oweStudio 7 uxoxe lengcwethi ecubungula ezombusazwe, uMnu. George Mkhwananzi ukuze sizwe imbono yakhe ngaloludaba.