amalinks wokungena

Breaking News

Inhloko ZeNdaba Ncwabakazi 10, 2021


Abogatsha lwezempilakahle babika ukuba inani lasebehlatshwe ijekiseni yakuqala yokuzivikela kuleli gcikwane sebeyisigidi eziphose zibe mbili(1,897,414), kuthi asebehlabe ngokugcweleyo sebesedlula kancane isigidi esisodwa(1,044,365).

Ekutshoneni kosuku lwayizolo inani lababulewe yiCovid 19 eZimbabwe beselibeletshumi lathobaminwemibili(19), abangamakhulu amahlanu lamatshumi amabili lasithupha(526) batholakala belegcikwane leli.

UMongameli Emmerson Mnangagwa uncome ibutho le Zimbabwe ngokuncedisana lohulumende wakhe kunhlelo ezinengi zentuthuko ezigoqela olokuhlatshwa kwabantu ijekiseni eye Covid-19 Vaccine. Lokhu ukutsho emkhosini wokunanza usuku lokuqhakathekisa umsebenzi wabezomvikela olwe Defense Forces Day.

Inhlanganiso zababalisi zithi zamukela isinqumo sikahulumende sokwengezelela amalanga eLockdown bethi kumele umkankaso wokuhlatshwa amajekiseni uqiniswe ikakhulu kubabalisi phambilini kokuvulwa kwezikolo.

Abanye osomabhizimusi bathi amankampani abo abasenelisi ukubhadala umthelo weRent lapho abasebenzela khona ngenxa yeziqondiso zokwenqabela ukumemetheka kweCovid-19. Ngokunjalo, bathi badinga uxhaso kuhulumende.

Owake wadlalela waphinda njalo waba ngumqondisi weqembu lomdlalo wenguqu ele Highlanders uErnest Maphepha Sibanda akasekho. USibanda utshone namuhla ekuseni esibhedlela se Mater Dei koBulawayo.

Ku Livetalk namhlanje kuhlelo lwabatsha olwe “The Connection” sikhangela ukuqansa kwenani lababanjwa kanye lokubulawa yiCovid 19 eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG