Endabeni zethu lamhlanje ……………..
********** Iqula labadala abahloniphekayo elama Elders elikhokhelwa ngowake waba ngunobhala jikelele wenhlanganiso yomanyano wamazwe womhlaba, eye United Nations uMnu. Kofi Annan selifikile eZimbabwe ukuzobona isimo esiselizweni lapho kulungiselelwa ukhetho lwalonyaka olwenziwa mhlaka 30 Ntulikazi.
************* Abamabandla atshiyeneyo abangene kukhetho lwamakhansila edolobheni eGwanda bathi bafuna ukuthuthukisa lelidolobho elisalele emva kwenzentuthuko.
************* Icala labebandla leMRP ababotshwe betshengisela phambi kwevinkili elikhulu ele TM Pick n Pay koBulawayo seliduliselwe phambili ukuze lithehwe mhla ka 6 Ncwabakazi.
************* Kwezemidlalo ……Umqeqetshi weqembu lenguqu ele Highlanders uMadinda Ndlovu ulubhekise eTraingle leqembu lakhe emdlalweni weCastle Premier Soccer League.
********** KuLiveTalk lamuhla kuhlelo “Asiyihluzeni Bomama” lapho esikhangela eziphathelane labomama sipha ithuba abesifazana abancintisa kukhetho lwalonyaka ithuba lokuchasisela uzulu ngabakuthembisayo banganqoba. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokukhulumisana lokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
