amalinks wokungena

********** UMfundisi Evan Mawarire owabotshwa ngeviki ephelileyo esetheswa icala lokuzama ukususa embusweni uhulumende kaMongameli Robert Mugabe okungela mvumo, ukhangelelwe ukuya emthethwandaba kusasa.

********** Umsekeli kamongameli weZimbabwe, uMnu. Phelekezela Mphoko, uthi uMnu. Morgan Tsvangirai owebandla le MDC-T ulamanga nxa esithi uzalungisa udaba lwe Gukurahundi engakhethwa nguzulu kukhetho oluzakwenziwa ngomnyaka ozayo.

********** Uzulu ukhala ngokuthi ubanjwa ngamandla ukuba ebhadalele idili lokuzalwa likaMongameli Robert Mugabe elizakwenzelwa eMatabeleland South.

********** UNkosikazi Thokozani Khuphe, umsekeli kamongameli webandla leMDC-T, uthi kumele kube lendawo zokuhlola abantu umkhuhlane wemvukuzane ezabelweni zonke.

********** Selidume ledlula kumncintiswano weAfrica Cup of Nations. Ele Zimbabwe lifundeni kumncintiswano lo?

********** KuLivetalk lamuhla sixoxa ngokwenziwa libandla le Zanu PF elibamba ngamandla uzulu ukuthi abhadale imali yokunanza idili lokuzalwa lika Mongameli Mugabe elibizwa ngokuthi yi-21st February Movement. Lithini ngalokhu zulukandaba? Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele.

Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakhohlwa ukuthi sikuWhats’app lakuFacebook ku VOA Ndebele.

Facebook Forum

XS
SM
MD
LG