Ndebele headlines March 15, 2016
Endabeni zethu lamhlanje lilo CG………..
********** Ikhansili yakoBulawayo isilungise amachibi agezisa amanzi angcolileyo aphuma ezambuzini lasetshenzisiweyo elokitshini leCowdray Park ngendleko yamadola inkulungwane ezedlula amakhulu amane-$423 000 kuthi amanye agqagqele idolobho lawo aphakathi kokulungiswa.
********** Uzulu weZimbabwe uthi ulakho ukuphuma emcabangweni wokuthembela ekukhangezeni sikhathi sonke nxa engathola imfundiso kwezokuqhutshwa kwamabhizimusi okuzinakekela.
********** Abalimi eBotswana sebamukele inyathelo likahulumende wabo lokubalala inkomo zeZimbabwe ezingena kweleBotswana, kuyindlela yokulwisana lomkhuhlane womlomo lamasondo - ifoot and mouth.
********** Kuhlelo lwamasiko lokuphila kwabantu nsukuzonke lamuhla sixoxa ngesiko lokuphoziswa. Inengi labantu eZimbabwe bayalilandela kakhulu isiko leli loba nje seliphela emadolobheni.
***********KuLivetalk kuhlelo lwabasakhulayo olwe The Connection, namhlanje sikhangela umkhuba wokuthathwa kwabantu elizweni besiwa kwamanye amazwe ukuyakwenziwa izigqili owe human trafficking. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.