Ndebele headlines April 6, 2016
Endabeni zethu lamhlanje ……………..
********** Amapholisa amisa ukutshengisela kwabesifazana kade besola ukuqilibezelwa kwabanye babo besiwa kwamanye amazwe lapho abacina bephathwa njengezigqili.
********** Inhlanganiso ezimeleyo eye Zimbabwe Peace Project ikhuthaza inkokheli yeZanu PF ukuthi ilungisise ukulwisana okuphakathi kwaleli bandla.
********** Ingcwethi kwezokuguquka komkhathi zamukele isinqumo sikahulumende sokuthi izikolo zakhe indawo zokugcinela ukudla zilungise lendawo zokudlela kulungiselelwa uhlelo lokabela abantwana ukudla ezikolo lapho zivulwa endaweni zonke ezibhahe khona indlala.
********** Abalwa impi yenkululeko bephansi kwebutho leZIPRA, babumba eyabo inhlanganiso ehlose ukukhangelisisa kabanzi inhlupho eziqondene labo ngoba besithi eye ZNLWVA ayibenzeli kahle, iphatha ababekubutho leZNLA ngcono kulabo..
***********KuLivetalk namhlanje sihlaziya umhlangano omkhulu okhangelelwe ngabanengi phakathi kukamongameli Robert Mugabe labalwa impi yenkululeko. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
