Ndebele headlines April 12, 2016
Endabeni zethu lamhlanje ……………..
********** Abalwa impi yenkululeko bekuvuyo lebutho le Zanla beyingxenye yabasayina ugwalo lwe Mgagao Declaration olwapha uMnu. Robert Mugabe isikhundla sokukhokhela iZanu, bathi asuke esikhundleni.
********** Abasakhulayo beZimbabwe bakhathazekile ngenkuthazo yabanye abalwa impi yenkululeko abathi kumele uhlelo lokufundisa abatsha ezebutho olwe national service luvuselelwe.
********** Izizalwane zeZimbabwe kweleSouth Africa zihlela ukuyatshengisela ehofisini yommeli weZimbabwe eSouth Africa zikhalaza ngokuthi kwesulwe imithelo ebhadalelwa ukudla okungena elizweni ukuze kube lula ukuthumela ukudla ekhaya.
********** AbeZimbabwe kweleBotswana bathi akalusizatho sokuthi bebonakale bejabulela uzibuse ngesikhathi bebhoda amazwe bedinga imvuthu zokuziphilisa.
***********KuLivetalk kuhlelo lwabaakhulayo olwe The Connections namhlanje sihlaziya inkuthazo yabalwa impi yenkululeko abathi kalusungulwe njalo uhlelo lwabatsha olwe national service. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
