Ndebele headlines April 26, 2016
Endabeni zethu lamhlanje ……………..
********** Umbukiso wezokuthengiselana owe Zimbabwe International Trade Fair uqale lamhlanje koBulawayo.
**********Ukusilela kwemali emabhanga kufika kusibanga esikude.
********** IBotswana ithi isizanika abeZimbabwe abafuna ukusebenza emapulazini amaphepha okusebenza okwesikhatshana, ikakhulu ngesikhathi sokulima.
*********** Uhulumende ukhuthazwa ukuthi aphume lezibopho eziqondisa umsebenzi wokulungiswa lokuthengiswa kokudla. Lokhu kuphume emhlanganweni wokukhangela lezi zibopho owe Assessment of National Food Control systems in Zimbabwe kusetshenziswa iziqondiso ezenhlangniso zomhlaba ezinjenge FAO le WHO.
********** Kambe kuyabe sokutheni umuntu wesilisa esephila ngembodlela? Thiyani indlebe lizizwele lamhlanje kudaba lwethu lwezamasiko lokuphila kwabantu nsukuzonke.
***********KuLivetalk kuhlelo lwabasakhulayo olwe The Connection namhlanje sikhangela uhlelo lokukhonza iflag olufuna ukusungulwa nguhulumende izikolo zivulwa olwe National Flag Pledge. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
