Ndebele headlines May 30, 2016
Endabeni zethu lamhlanje ……………..
********** Sekuphume imifanikiso esigcwele ndawana yonke ikakhulu enkundleni zebulenjini ecatshangelwa ukuba ngeka Itai Dzamara, egqokiswe i-mask, ngemva kwenyanga ezilitshumi lanhlanu selokhu wathunjwayo.
********** Sihlaziya udaba lokufola kwabeMDC-T koBulawayo ngoMgqibelo, betshengisela insolo yabo ngombuso kahulumende weZanu PF lomongameli Mugabe
********** Impumela yophenyo ikhuthaza ohulumende kanye lenhlanganiso ezizimele zodwa ukuthi ziqakathekise ukufinyelela amantombazana ikakhulu emaphandleni, ukuwagcina esikolo aze aphutshe ibanga laphezulu njalo kuqubekwe kuphoswe ilihlo ngokuziphatha kwabasakhulayo kwezemacansini.
********* Kwezemidlalo ……..uJoseph Njanji usethulela impumela yemidlalo yangempelasonto eyenguqu eye Castle Premier soccer League, ekaDivision One, eyokugijima kanye leminye.
***********KuLivetalk namhlanje sipha ithuba lina balaleli bethu ukuthi lisiphe imbono yenu ngakho konke okusemcabngweni yenu. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15775 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
