amalinks wokungena

Isimo Esibi Somnotho we EU Silakho Ukuphazamisa Umnotho we Zimbabwe

  • Gibbs Dube

Ibhanga le World Bank lithi umnotho wamazwe angezansi kwezwekazi le Africa ulakho ukuphazamiswa kakubi zinhlupho esezihlasele amazwe awe European Union. Lokhu kuphume kugwalo olwethulwe yileli bhanga lokuhlolisisa isimo somnotho womhlaba oluthiwa yi Global Economic Prospects.

IWorld Bank icabangela ukuthi isimo esibi somnotho we European Union singaqhubeka, ele Zimbabwe lalo lizathwala nzima njengoba lizabe selingasenelisi ukuthengisa okunengi okwenjiwayo.

Iphinde yathi kuyenzakala njalo ukuthi umnotho we China ulakho ukuncipha ngendlela ezaphazamisa intuthuko ye Zimbabwe lamanye amazwe athengisa igolide, iplatinum, amadayimana, icopper, utshinda lokunye okutshiyeneyo.

Kodwa-ke iWorld Bank ithi okwamanje umnotho wamazwe la ulakho ukuthuthuka ngesilinganiso sokuhlanu ekhulwini – 5% lonyaka.

Umnu. Masimba Kuchera ingcwethi kwezenotho okunhlanganiso ye Zimbabwe Coalition on Debt and Development uvumelana lokwethulwe yi World Bank.

XS
SM
MD
LG