amalinks wokungena

Breaking News

Inkampani Epheka Inkukhu iNandos Yethuselwa Ngabalandeli be ZANU-PF Nge Advert Echothoza Umongameli Mugabe


Inkampani yeNando’s Restaurant eZimbabwe ithi kayazi lutho ngombiko we advert wokuthengisa ukudla osudume ebulenjini be internet otshengisa umuntu ongani nguMongameli Robert Mugabe esidla yedwa kulandela ukubulawa kwababengo ntandokayiphikiswa abanjengo Mnu. Moammar Qaddafi we Lybia, uMnu. Saddam Hussien we Iraq labanye ababesaziwa ngokukhahlameza uzulu.

Iadvert le isibukwe ngabedlula inkulungwane ezingamakhulu amabili lamatshumi amahlanu ebulenjini njalo isiyindaba egudwini eZimbabwe lakwamanye amazwe lobanje lokhu sokuthunuke ibandla le ZANU PF labalandeli bayo abathi kumele ikhitshwe ebulenjini yi Nandos yakwele South Africa eyifake emphakathini.

Abasakhulayo abakunhlanganiso yezigebenga eyaziwa ngokuthi yi Chipangano abacatshangelwa ukuthi badlelana lebandla le ZANU PF bathi bazajezisa iNandos kwele Zimbabwe nxa iadvert le ingakhitshwanga ebulenjini.

Kodwa-ke kulabanye abathi iadvert ye Nandos ilungile njengoba uMongameli Mugabe kumele asolwe kumbe athandwe nguzulu.

Ingcwethi kwezombusazwe uMnu. Sabelo Ndlovu Gatsheni uthi ingcitshi zokuthengisa zenkampani ye Nandos zitshengisa ukuthi kulendlela ezinengi zokuthengisa ukudla loba nje kucina kuphoxa abanye abantu.

XS
SM
MD
LG