amalinks wokungena

Breaking News

Inkampani Kahulumende ye NSSA Ithenga Amashares Amanengi eRenaissance Bank


Inkampani yepentsheni kahulumende eye National Social Security Authority (NSSA) ibikwa isithenge amashares kubhanga le Renaissance Merchant Bank evalwe nyakenye ngoba iziphathamandla zayo zaziseba imali.

UMnu. Reggie Saruchera okhethwe yi Reserve Bank of Zimbabwe ukuthi ahlolisise okwenzakala ebhanga leli livaliwe uthi iNSSA izafaka phose izigidi ezilitshumi zamadollar ebhanga leli.

Umnu. Saruchera uphinde wathi iNSSA izaphinda iguqule kube ngama shares njalo izigidi eziyisitshiya ngalombili zamadollar eMelika eyaboleka yi Renaissance Bbank yehluleka ukuyibisela.

Uphinde wathi okwenziwa yi NSSA kuzalethela inzuzo ibhanga leli elilakho ukuqalisa ukuzisebenzela lilandela iziqondiso zemithetho yamabhanga efunwa nguhulumende lebhanga elikhulu lelizwe ele Reserve Bank of Zimbabwe-RBZ.

Ingcwethi kwezenotho uMnu. Prosper Chitambara uthi kusobala ukuthi iNSSA ilakho ukuthola inzunzo emangalisayo nxa ibhanga leli lingavulwa.

Kodwa-ke uMnu. Percy Mcijo omele inhlanganiso yezisebenzi eye Zimbabwe Congress of Trade Unions kweleMandebeleni uthi okwenziwe yi NSSA akusoze kukhuphule amapentsheni ezisebenzi.

XS
SM
MD
LG