Inkampani yeMelika ebambe indazamtshina ye Air Zimbabwe eGatwick International Airport ithi inkampani le isibhadele isikwelede sonke esedlula isigidi samadola eMelika.
Omunye wabaqondisi be American General Supplies uMnu. Kenneth Conor uthi amagqwetha amele inkampani yakhe athole imali yonke ngoLwesibili ngakho balakho ukukhulula indizamtshina le yohlobo lwe Boeing 767-200 ebilokhe ibanjiwe kusukela ngeviki ephelileyo.
UConor uthi loba nje bezakhulula indizamtshina le sokulembiko ethi isilodubo lwensimbi ezinye ezingasasebenzi kahle.
Umnu. David Mwenga umqondisi we Air Zimbabwe eEurope uthi akwaziwa ukuthi indizamtshina le izakhululwa nini.
Uthi njengoba isilenkinga, kuyenzakala ukuthi ihlale insukwana isalungiswa eBhilithane loba ingakhululwa yinkampani ye Melika.
Kusenjalo, izihambi ezinengi lokhe zihlezi emahofisini eAir Zimbabwe ase Gatwick Airport lapho ezimelele ukubhadalwa imali yamatikiti kanye lokuthi zihambe ekhaya.
Umnu. Ezra Sibanda omele izihambi lezi uthe ezinye seziphiwe imali yazo.
