Abaqondisi benkampani ye Air Zimbabwe bathi sebexotshe bonke abatshayeli bendizamtshina abakhalale umsebenzi ngeviki ephelileyo bekhonona ngeholo eliphansi kanye lokungaphiwa ama allowances.
Abatshayeli laba babikwa bexotshwe ngolweSibili njengoba bengalandelanga isinqumo se Air Zimbabwe sokuthi babuyele emsebenzini kungakedluli ilanga elilodwa.
Ingcwethi zomthetho wezisebenzi zithi okwenzwe yi Air Zimbabwe akuvunyelwa ngumthetho wezisebenzi iLabour Act. Ingcwethi lezi zithi abatshayeli laba bangaxotshwa kuphela umsebenzi nxa udaba lwabo soluhlolisiswe lugatsha luka hulumende olubona ngezisebenzi.
Umsekeli kamgcinisihlalo wenhlanganiso ye Zimbabwe Coalition on Debt and Development uMnu. Masimba Kuchera utshele iStudio 7 ukuthi kumele iAir Zimbabwe labatshayeli bendizamtshina bakhumisane umlotha.
