amalinks wokungena

Breaking News

Indizamtshina yeAir Zimbabwe Yehluleka Ukuphapha


Udubo lwe Air Zimbabwe luqhubekela phambili njengoba ngolweSibili inkampani le yehluleke ukuphaphisa indizamtshina yayo ethwala uzulu eZimbabwe ngenxa yokungalungiswa ngomanjinela.

Indizamtshina ye Boeing 737 500 ethwala uzulu eHarare isiya koBbulawayo le Victoria Falls ibikwa ibelenkinga yenjini yehluleka ukuphapha njenge nhlalayenza.

Omanjinela abathi kababhadalwa iholo babikwa betshele abaqondisi be Air Zimbabwe ukuthi kabasoze bayilungise baze bathole iholo labo abacine ukulithola ngoMfumfu nyakenye. Abanye babo bakhalale umsebenzi bekhala ngeholo.

Indizamtshina le kade isisele yodwa njengoba eyinye efanayo yavalelwa ngoLwezi lapho ezilungiswa khona. Eyinye njalo yomhlobo we MA60 eyathengwa kwele China isilesikhathi yamiswa ukuphapha ngenxa yokufa kwenjini.

Inkampani ye Air Zimbabwe isanda kuthatha isinqumo sokumisa inhambo zokuya kwele Bhilithane le South Africa ngenxa yokuswela imali yokusebenza kulawo mazwe.

Kodwa-ke ingcwethi kwezenotho zithi kusobala ukuthi yesaba ukuthi indizamtshina lezi zingathathwa ngabafuna ukubhadalwa izikwelede.

Umnu. Bblessing Chebundo okukhomithi yedale lephalamende elikhangelane lezemigwaqo lenhambo utshele iStudio 7 ukuthi uMongameli Robert Mugabe labanye bakhe abaphethe intambo kuhulumende womanyano kabafuni ukudingela iAir Zimbabwe inkampani yokuyivuselela.

UChebundo uthi ikhomithi yakhe iphume lesinqumo sokuthi iAir Zimbabwe kumele idingelwe inkampani yokusebenza layo kodwa uMongameli Mugabe labanye bakhe kabaqondakali ukuthi bafunani.

XS
SM
MD
LG