amalinks wokungena

Breaking News

Inkampani ye Air Zimbabwe Yehluleka Ukuthenga InsimbI ze Ndizamtshina Ngesikwelede


Inkampani ye Air Zimbabwe ibikwa isehluleka ukuthenga insimbi zokuvuselela indizamtshina ekade ibanjwe eGatwick International Airport eBhilithane yi American General Supplies ngenxa yokungabhadali isikwelede esedlula isigidi samadola eMelika.

Indizamtshina le ekhululwe yiGeneral Supplies ngoLwesibili ilokhe igcinwe eGatwick njengoba iAir Zimbabwe isehluleka ukuthenga ngesikwelede insimbi zokuyilungisa.

Inkampani ezinengi ezithengisa insimbi ziyala ukuthengisela iAir Zimbabwe insimbi lezi ngesikwelede zisesaba ukuthi kayisoze ibhadale.

Akwaziwa ukuthi iAmerican General Supplies ingaba ngeyinye yamankampani la ayesaba ukuthengisela iAir Zimbabwe insimbi ngesikwelede.

Loba iziphathamandla ze Air Zimbabwe ziyalile ukukhuluma ngodaba lolu kubikwa ukuthi indizamtshina le ingehluleka ukuphapha kusasa ngenxa yokuswelakala kwensimbi zokuyivuselela.

Ingcwethi kwezenotho uMnumzana Bekithemba Mhlanga uthi iAir Zimbabwe loba ilakho ukuphaphisa indizamtshina le kusobala ukuthi akulankampani engafuna ukudlelana layo ngenxa yebizo layo eselingcolile.

XS
SM
MD
LG