Umqondisi we Alpha Media Holdings uMnu. Raphael Khumalo uthi inkampani yakhe ayizange yephule umthetho ngokusebenzelana leye Media Development Loan Fund (MDLF) yakwele Melika elamashares phose angaba yisilinganiso sokumatshumi amane ekhulwini ku Alpha Media.
UKhumalo uthi ibhanga elikhulu lelizwe ele Reserve Bank of Zimbabwe lanika iAlpha Media imvumo yokusebenzelana le MDLF eyathenga amashares ku Alpha Media yona elabanikazi abakunkampani okuthiwa yi Vusumuzi Investments Private Limited.
Inkampani le yenzalo ye Zimbabwe ilamashares edlula okuyisilinganiso sokungamatshumi ayisithupha ekhulwini ku Alpha Media.
Uthi njengoba iMDLF ingasinkampani edinga ukwenza inzuzo, ilelungelo lokuthenga amashares kunkampani zamaphephandaba eZimbabwe njengalokho okufunwa ngumthetho we Access to Information and Protection of Privacy Act.
Uphinde wathi iziphathamandla zikahulumende ziyakwazi ukuthi MDLF ilamashares ku Alpha Media.
Umnu. Khumalo uthi okukhitshwe ebulenjini be Wikileaks akutsho ukuthi inkampani yakhe yephula umthetho ngokudlelana le Media Development Loan Fund.
Inkampani Ye Alpha Media Yaphiwa Imvumo Nguhulumende Yokusebenza Leye Melika - CEO Khumalo
- Gibbs Dube
