amalinks wokungena

Breaking News

Inkampani yeGreen Fuel Sokumele Ithengisele Amanye Amazwe Umhluzi we Ethanol: Mangoma


Uhulumende weZimbabwe uthi inkamp[ani ye Green Fuel eyehluleka ukuthengisa izigidi ezilitshumi zama liters – 10 million liters - zomhluzi wetshukela oweEthanol sokumele iqalise ukuwuthengisela amanye amazwe.

Umnu. Elton Mangoma uphathintambo wezamandla kagetsi utshele iStudio 7 ngoMvulo ukuthi malutshwana amagalaji athengisa amafutha ezimota ayenelisa ukugcina umhluzi we Ethanol.

UMangoma uthe iGreen Fuel efuna ukuthi kubelomthetho wokuthi izimota zonke eZimbabwe zisebenzise amafutha ahlanganiswe leEthanol, kumele iqale ihlolisise izikhalazo zikahulumende ezinjengokuthi intengo yeEthanol iphezulu kakhulu kwele Zimbabwe.

Inkampani le ithengisa umhluzi weEthanol ngokwedlula idollar elilodwa-$1.00 ikanti-ke amazwe amanengi ayithengisa ngephansi kwedolla, $0.72 - $0.75 kusilinganiso se liter.

Uphinde wathi okunye okuhlupha uhulumende yikuthi inkampani le ayikavezi ukuthi izimota zizalungiswa njani ukwenzela ukuthi zisebenzise amafutha afakwe umhluzi weEthanol.

Umnu. Graeme Smith umqondisi we Green Fuel uthi lokhe inkampani yakhe isahlolisisa izikhalazo zikahulumende njalo ilandelana lakho konke okufunwa yiZimbabwe kungakethulwa umthetho wokuthengisa amafutha ezimota ahlanganiswe leEthanol.

Umnu. Abednico Bhebhe usomabhizimusi othengisa amafutha ezimota njalo okubandla Le Movement for Democratic Change elikhokhelwa nguMnu. Morgan Tsvangirai uthi akumelanga kwenziwe umthetho wokuthengisa amafutha afakwe i-Ethanol kungakakhulunywa lozulu.

XS
SM
MD
LG