amalinks wokungena

Breaking News

Inkampani ye Hunyani Printopak Ifuna Ukuvala Ifekithali KoBulawayo, Ivule Efanayo eHarare


Inkampani ye Hunyani Printopak ekoBulawayo ikhangelelwe ukuthi ivalwe ekupheleni kukaMpalakazi okuzatshiya izisebenzi ezedlula ikhulu lamatshumi amahlanu zingelamsebenzi njalo labantu makhaza abaphila ngokudobha amaphepha alahliweyo bengelandlela yokwenza imali.

Izisebenzi ze Hunyani zithi abaqondisi benkampani le bafuna ukuvala ifekithali yabo koBulawayo bengabatshelanga njalo bengazisanga ugatsha lukahulumende olubona ngezamafekithali.

Izisebenzi lezi zithi omunye wabaqondisi be Hunyani Holdings eyiyo ebambe iHunyani Printopak seqalisile ukubuthelela imtshina okumele ihanjiswe eHarare lapho okuzavulwa khona ifekithali efanayo.

Abaqondisi benkampani le balile ukukhuluma le Studio 7. Umsekeli ka Mayor wakoBulawayo uMnu. Amen Mpofu utshele iStudio 7 ukuthi okwenziwa yi Hunyani Printopak kuyamangalisa ngoba semanengi amankampani avala amafekithali koBulawayo ayevula eHarare.

Umphathintambo wezamafekithali uMnu. Welshman Ncube uphinde watshela iStudio 7 ukuthi uhulumende akalisekeli inyathelo leHunyani Printopak.

‚Äč
XS
SM
MD
LG