amalinks wokungena

Breaking News

Impala Holdings Ekade Isisuselwa Amanqe Nguhulumende Inikwa Inyanga Ezintathu Zokwabela Uzulu Amashares


Inkampani ye Impala Platinum Holdings yakwele South Africa ithi isiphiwe nguhulumende we Zimbabwe inyanga ezintathu zokuthi iphume lendlela zokwabela amashares uzulu kuhlelo lwe indigenization.

Iziphathamandla zogatsha lwabatsha lokuthuthukisa inotho kazulu lubikwa luvumile isicelo senkampani ye Zimbabwe Platinum Holdings ekhokhelwa ngabaqondisi be Impala Holdings ukuthi isebenzelane labacubungula inotho yamankampani bezimele bodwa, ekuhleleni inotho ye Zimplats.

Lokhu kungenziwa, iZimplats ikhangelelwe ukuthi iphume lendlela ezincomekayo zokwabela uzulu amashares.

Uhulumende usanda kwala indlela iZimplats ekade ifuna ukwabela uzulu amashares ayo ngokuthi ithengisele abantu makhaza amashares ayisilinganiso sokungamatshumi amabili lanhlanu ekhulwini-25%, njalo yakhe izikolo, amadamu lezibhedlela.

Ingcwethi kwezenotho uMnu. Masimba Kuchera uthi kumele uhulumede engabambi ngamandla amankampani emigodi ukuthi athengisele uzulu amashares njengoba lokhu kubhidliza umnotho welizwe.

XS
SM
MD
LG