amalinks wokungena

Breaking News

Inkampani ye Nestle Zimbabwe Ithenga Inkomo Zochago eSouth Africa


Inkampani yochago eye Nestle Zimbabwe ithi isiqalise uhlelo olubiza izigidi ezilitshumi lane lwamadollar olujonge ukuphathisa ilizwe ukuthi livuselela umnotho wabalimi abagcina inkomo zochago.

Inkampani le ibikwa isithenge inkomo ezingamakhulu amabili kwele South Africa ezizasiselwa abalimi abatshiyeneyo eZimbabwe abakhangelelwe ukuthi basenge uchago olungaba ngamalitres ayizigidi ezingamatshumi amabili lanhlanu ngomnyaka ka 2018.

Ithi inkomo zalolu hlelo kumele zifike inkulungwane ezimbili ngomnyaka ofanayo.

Okwamanje kulenkomo ezizinkulungwane ezingamatshumi amane ezisengwa kwele Zimbabwe ezilochago olungasuthisi uzulu.

Umongameli Robert Mugabe uke wethusela lonyaka ukuthi inkampani le izathathwa nguhulumende kulandela ukwala kwayo ukuthatha uchago lwenkampani yemuli yakhe iGushungo Dairy Estates.

Umphathintambo wezokulima umnu. seiso moyo uthi kuyabukeka okwenziwe yi Nestle Zimbabwe.

XS
SM
MD
LG