amalinks wokungena

Breaking News

Inkampani ye Rio Tinto Ithi Izanika Uzulu Amashares Aku Murowa Diamonds Ayi 51% - Kasukuwere


Umphathintambo wezokuthuthukisa inotho kazulu uMnu. Saviour Kasukuwere uthi inkampani ye Rio Tinto ithi izakwabela uzulu isilinganiso sokumatshumi amahlanu lanye ekhulwini samashares akunkampani ye Murowa Diamonds okuzakwenza ukuthi ilandele umthetho we Indigenization.

Inkampani ye Murowa Diamonds ibikwa isibhalele uKasukuwere imazisa ukuthi amashares la kuzamele anikwe uzulu.

Indlela yokuthi amashares la azakwabelwa bani ayikabi sobala njengoba uKasukuwere labaqondisi be Murowa Diamonds kanye le Rio Tinto bengatholakalanga ukuthi bachasise okunengi ngaloludaba.

Inkampani ye Rio Tinto ilesilinganiso sokungamatshumi ayisikhombisa lasitshiyangalo mbili ekhulwini samashares ku Murowa Diamonds.

Ibikhangelelwe ukuthi ifake izigidi ezingamakhulu amabili zamadollar eMelika zokuthuthukisa ukwenjiwa kwamadayimana kuleyonkampani.

Ingcwethi kwezenotho uMnu. Daniel Ndlela uthi okweziwa nguhulumende eMurowa Diamonds akulunganga.

Ingcwethi kwezombusazwe uMnu. Roderick Fayayo uthi kusobala ukuthi ibandla le ZANU PF selithathela abamhlophe amankampani licatshe ngohlelo lwe indigenization.

XS
SM
MD
LG