Inkampani elamashares amanengi ku Telecel Zimbabwe, iTelecel Globe engaphansi kwe Ostrascom (Pvt) Limited ye Egypt ikhangelelwe ukuthi iphungule amashares ayo akunkampani le asebangwa yinhlanganiso ekhokhelwa ngumzukulu ka Mongameli Robert Mugabe uMnu. Leo Mugabe.
Inkampani ye Telecel Globe ibikwa isithwaliswe amagabha avuzayo yi Zimbabwe Wealth Creation and Empowerment Council elamalunga anjenge Affirmative Action Group, iZimbabwe War Veterans Association lezinye inhlanganiso ezidlelana lebandla le ZANU-PF.
Linkampani ibikwa isifuna ukuthengisela iEmpowerment Council amanye amashares okuzakwenza ukuthi ibe lamashares angaphansi kwangamatshumi amahlanu ku Telecel Zimbabwe.
Inhlanganiso ye Council le ikhangelelwe ukuthi izibambe esidukwini njalo inikwe ilicense ye Telecel Zimbabwe.
Ingcwethi kwezenotho uMnu. Rejoice Ngwenya uthi okwenzakala ku Telecel Zimbabwe kwethusa amankampani afuna ukuvula amafekithali eZimbabwe.