Amankampani lenkokheli yamazwe omhlaba athithibele kulandela ukwethulwa kwamaphephandaba aveza ukuthi babesisa imali emabhanga angaphandle kwelizwe ukuze bangabhadali imali yemithetho.
Kuncwadi ezethulelwe iphephandal le Germany elithiwa Suddeusche Zeitung incedisana lenhlanganiso yentathelizindaba ezicubungula indaba zokungathembeki, eye International Consortium of Investigative Journalists kube lobufakazi bokuthi inkampani ezokwemba eye Zimbabwe, iZimplats, ngenye yamankapmani alameli emabhanga angaphandle kwelizwe eyafakwa ngokungekho emththweni.
Amaphepha la aphiwe igama lokuthi Panama Papers asebangele ukuxotshwa kwenye inkokheli embusweni.
Amaphepha la athi inkampani ye Zimplast yasungula inkampnai ethiwa HR Consultancy esihleni se Isle of Man yacele inkampnai ethiwa Mossack Fonseca ukuthi ilotshwe ngokusemthethweni ngenjonog yokubhadala iholo leziphathamandla ze Zimplast.
Isikhulumeli senkampani ye Zimplats, uNkosikazi Busi Chindove ulandule ukuthi inkampnai yakhe ilobudlelwano lenkmpani ye HR.
Owake wabangumphathintambo wezemali, uMnu. Tendai Biti utshele iStudio Seven ukuthi nxa kuliqiniso ukuthi linkampani mpela yasungula inkampani phandle kwelizwe kuyabe kumele uhulumende acubungule lokhu.
Ukuhlaziya loludaba sixoxe lengcwethi ecubungula ezomnotho welizwe, uMnu. Rejoice Ngwenya ukuze sizwe imbono yakhe ngaloludaba.
