Inkampani ye Zimbabwe Platinum Holdings Private Limited (Zimplats) ithi uhulumende kumele azame ngamandla ukudinga amankampani emazweni afuna ukuvula amafekithali kwele Zimbabwe kulokuthi enze uhlelo olungela hlonzi lokwabela abensundu amashares amankampani.
Esethula ugwalo lomnotho lwenkampani le lwalonyaka olwe 2010 Annual Report, umgcinisihlalo uMnu. David Brown uthi kumele uhlelo lwe Indigenization lukhange amankampani emazweni kulokuwaxotsha.
U Brown uthi njengoba loluhlelo okwamanje lungaqhutshwa kahle, kumele uhulumende enze ezinye inhlelo zokudinga amankampani afuna ukuvula amabhizimusi eZimbabwe.
Ingcwethi kwezenotho uMnumzana Masimba Kuchera utshele uGibbs Dube we Studio 7 ukuthi iZimplats iyesaba ukuthi ingathathelwa inkampani yayo loba nje kusobala ukuthi uhlelo lwe Indigenization lubisela ilizwe emuva.
