Inkampani yeZimbabwe Platinum Holdings ithi isiqalisile ukulungiselela uhlelo lokuthuthukisa inotho yabantu makhaza abahlala duzane lemigodi yayo okuhambelana lohlelo lokwabelana amashares amankampani emazweni olwe indigenization.
Inkampani le ibikele abalamashares kiyo ukuthi uhlelo lokuthuthukisa abantu makhaza lusasungulwa njalo lukhangelelwe ukuthi lwenziwe ngokutshetsha.
Iphinde yathi kayisoze ivalwe njengoba yanikwa inyanga ezimbili nguhulumende ukuthi iphume lendlela ezintsha zokwabela uzulu amashares.
Inkampani le ithembise ukwabela uzulu amashares ayisilinganiso sokungamatshumi amabili lanhlanu ekhulwini-25%, ibe isisakhela uzulu izikolo, imigwaqo, amadamu lokunye okutshiyeneyo.
Lokhu yikho okwaliwa nguhulumende othi amankampani ezemigodi kumele abele uzulu amashares ayisilinganiso sokungamatshumi amahlanu lanye ekhulwini-51%.
Ingcwethi kwezenotho uMnu. Rejoice Ngwenya uthi okwenziwa yiZimplats kungcono kulokuthi amankampani la ahluthunwe nguhulumende.
Inkampani yeZimplats Ithi Isibumba Isikhwama seShare Trust Sokuthuthukisa Inotho Kazulu
- Gibbs Dube
