amalinks wokungena

Breaking News

Inkampani yeChina Ivula Isigodlo Sokuthengisa Omakhalekhukhwini eHarare


Inkampani yakwele China eye G-Tide isivule isigodlo sayo eHarare sokuqondisa umsebenzi wokuthengisa omakhalekhukhwini ezwekazi leAfrica.
UMnumzana Munyaradzi Gwatidzo umqondisi we G-Tide eZimbabwe uthi inkampani le izabe ithengisa omakhalekhukhwini abalentengo ephansi njalo kuzavulwa enye inkampani yokulungisa omakhalekhukhwini, amacomputers, amalaptops kanye lamabhuku ebulenjini.

U Gwatidzo uthi nxa inkampani yokulungisa lezizinto ingavulwa eHarare ngomnyaka ozayo izabe ikhangelelwe ukulungisa omakhalekhukhwini abazinkulungwane ezingamatshumi ayisitshiyangalombili ngenyanga.

Ingcwethi ezicubungula ezonotho zithi kumele iG-Tide ihlolisiswe ngababona ngezenotho njengoba amankampani eChina evamile ukuthengisa impahla ezijujukileyo eAfrica. UMnu. Michael Bathandi Mpofu eyinye yalezi ngcwethi utshele uGibbs Dube weStudio 7 ukuthi loba nje inkampani le izama ukuthuthukisa inotho ye Zimbabwe kuzamangalisa ukuthi yenelise ukulungisa amacomputers amalaptops kanye labomakhalekhukhwini abalohlonzi ngoba inkampani zeChina zingathenjwa.

‚Äč
XS
SM
MD
LG