amalinks wokungena

Breaking News

Inkampani yeEthiopian Airways Ixhasana leyeAir Zimbabwe


Lokhu kubikwa kuvezwe yisiphathamandla seEthiopian Airlines uMnu. Tewolde Gebremarian ohlangane lomongameli Emmerson Mnangagwa eceleni kombuthano osaqhubeka eAddis Ababa eThiopia owamazwe akuzwekazi leAfrica owe 32nd Ordinary Session of the Assembly of the African Union.

Inkampani yendizamtshina eyeEthiopian Air Lines ithi izaxhasana leye Air Zimbabwe njalo iyincedise ngokunengi-nengi okugoqela ukuqeqetsha abatshayeli, ukuyinika amanye amafulamayitshina kanye lokuwalungisa.

Lokhu kubikwa kuvezwe yisiphathamandla seEthiopian Airlines uMnu. Tewolde Gebremarian ohlangane lomongameli Emmerson Mnangagwa eceleni komhlangano osaqhubeka eAddis Ababa eThiopia owamazwe akuzwekazi leAfrica owe 32nd Ordinary Session of the Assembly of the African Union.

Umphathintambo kahulumende uMnu. Sibusiso Moyo uthi usetshele umanyano we African Union ngodlakela obeluselizweni, athi lwabangelwa ngezombusazwe kanye lokuthi umkhankaso weZimbabwe owokudinga ubudlelwano obuhle lamanye amazwe uyaqhubeka.

Umongameli Mnangagwa ubikwa esehlangane lenkokheli kanye leziphathamandla zamazwe atshiyeneyo kulumhlangano. Kodwa ibandla leMDC lithi umongameli Mnangagwa ulokhu eqhubeka ngokusebenzisa indizamtshina ebiza imali enengi kakhulu eyeSwiss Dreamliner nxa esiya kwamanye amazwe, lona ilizwe lingelameli, izisebenzi zifuna ukwengezelelwa iholo, labantu behlupheka.

Facebook Forum

XS
SM
MD
LG