Uhulumende we Zimbabwe uthi inkampani ye MTN Group, eyinye yamankampani amakhulu encingo zabomakhalekhukhwini ezwekazi le Africa, kumele ithole amashares angaba ngamatshumi amane ekhulwini, kulokuthi ibe lamashares azakwenza ukuthi ibe ngumaqhuzu kuleyo nkampani.
Inkampani le ibikwa ifuna ukuthenga amashares kunkampani ye Orascom Telecommunications yona elamashares angaba yisilinganiso sokungamatshumi ayisithupha ekhulwini kunkampani ye Telecel.
Linkampani ibikwa imele ilandele iziqondiso zomthetho we indigenization nxa ithenga amashares la.
Umnu, Rejoice Ngwenya ingcwethi ecubungula ezenotho utshele uGibbs Dube we Studio 7 ukuthi nxa uhulumende we Zimbabwe egilela amankampani imikhuba engaqondakaliyo yokuthengiselana amashares, inotho yelizwe kayisoze ithuthuke.
