Inkampani ye Civil Aviation Authority of Zimbabwe (CAAZ) ithi izafaka imithelo emitsha yokugada indizamtshina emagcekeni wonke endizamtshina eZimbabwe ukwenzela ukubuthanisa imali yokulungisa indawo lezi.
Abamele iCAAZ bathi umuntu nxa egada indizamtshina esiya endaweni ezitshiyeneyo eZimbabwe kusukela ngeNsonto kuzamele abhadale itshumi lamadola eMelika kuthi-ke lowo oya kwamanye amazwe amatshumi amathathu amadola eMelika.
Bathi loba okwamanje kulemithelo efanayo, lokhu kwenzelwa lokuthi kuqheliswe amagceke endizamtshina njalo kulungiswe lawo anjenge Harare International Airport kanye le Joshua Mqabuko Nkomo Airport koBulawayo.
Ingcwethi kwezenotho uMnu. Rejoice Ngwenya uthi imali le kumele igcinwe kahle njengoba kusobala ukuthi ingaqanjulwa ngabanye abantu abasebenzela iCAAZ.
