Inkampani ye Seed Co International Limited isihambise ibhanga elikhulu lesizwe ele Reserve Bank of Zimbabwe emthethwandaba we High Court ukwenzela ukuthola ukuhlawulwa isikwelede sezigidi ezedlula ezintathu zamadola eMelika (US$3.6 million).
Ibhanga leli lathola inhlanyelo yomumbu efekithali ye Seedco eBotswana ngo 2007 lango 2008 kodwa yehluleka ukuyibhadalela yonke.
Amaphepha asemthethwandaba atshengisa ukuthi iRBZ yathola inhlanyelo eyayibiza izigidi ezilitshumi lantathu zamadollar eMelika, (US$13 million).
UMnu. Bekithemba Mhlanga ingcwethi ecubungula ezombusazwe kanye lezenotho utshele uGibbs Dube weStudio 7 ukuthi uhulumende weZimbabwe uzacina ebhadala izikwelede zonke ze RBZ.