Inkampani kagetsi ye Zimbabwe Electricity Supply Authority (ZESA) le Eskom ye South Africa sezimise inkulumo yokuthi iZESA ithengisele iGoli umlilo kagesti ngesikhathi somncintiswano wenguqu wamazwe omhlaba i2010 FIFA World Cup.
Lokhu kulandela ukukhonona okwenziwe zinhlanganiso zezakhamizi zeHarare i Combined Harare Residents Association kanye lemela izakhamizi koBulawayo ezithe zizakhweza loludaba emthethwandaba nxa kungaba lesivumelwano phakathi kwamankampani la.
Umnu. Fullard Gwasira isikhulumeli se ZESA uthi kabazange bakhulumisane le Eskom ngokuthengiselana umlilo kagetsi njengoba bevele bezehlulekela ukutholisa uzulu lamankampani eZimbabwe lumlilo.
Kusenjalo, inkampani ye RioZim Private Limited ibikwa isiphathisana labosomabhizimusi be South Africa ukwenzela ukwakha isititshi esikhulu somlilo kagetsi eZimbabwe.
Umnu. Josphat Sachikonye umqondisi we nkampani le uthi osomabhizimusi laba abafuna ukufaka izigidi lezigidi zamadola eMelika kuhlelo lolu besaba umthetho we indigenization eZimbabwe ngakho badlela evalweni ukuthi imali yabo ingatshabalala.
Umnu. Albert Mhlanga omele iPumula edale lephalamende utshele uGibbs Dube we Studio 7 ukuthi osomabhizimusi laba kumele befake imali yabo kunkampani ye RioZim njengoba uhlelo lwe indigenization luyize nje kumbe kungaba lohulumende okhethwe nguzulu.
