amalinks wokungena

Breaking News

'Sizama Ukuthi Izindlu Ezifika 800,000 Zibe Lomlilo Kagetsi'


Inkampani yeZEDC ithi izama ngamandla wonke ukuthi izindlu ezinengi zibe lomlilo kagetsi.
Inkampani yeZEDC ithi izama ngamandla wonke ukuthi izindlu ezinengi zibe lomlilo kagetsi.

Abenkampani yamandla kagetsi eyeZimbabwe Electricity Transmission Distribution Company (ZETDC) bathi balakho ukwenelisa ukuxhuma imitshina yamandla kagetsi ezindlini ezingaba zinkulungwane ezingamakhulu ayisificaminwe mibili - 800,000 phansi kohlelo lukahulumende olwe Zimbabwe Agenda for Social and Economic Transformation (ZimAsset).

Lokhu kubikwe ngumanjinela omkhulu oweZETDC koBulawayo, UManjinela Kwanele Khanye, othi inkampani yakhe isiyenelise ukuxhuma imitshina yamandla kagesti ezindlini ezizinkulungwane eziyisithupha – 600,000 elizweni, phakathi kwezizinkulungwane ezithoba minwembili abamele bazixhume.

UKhanye uthe balodubo lokwebiwa kwencingo ezithwala amandla kagesti kunye lamafutha ancedisa ukuhamba kwamandla kagesti.

UMnu. Matonga Wata uthe bona abakafakelwa imitshina yeCashPower kodwa sebazisiwe ukuba izafakwa kumalanga alandelayo ethi luhlelo oluhle ngoba usebenzisa amandla kagesti owabhadaleleyo, kulabanye abalomkhuba omubi wokweba amandla kagesti okusuka kuphazamise ezinye izindlu ngoba bona bayabe bewadonsa kakhulu.

Kodwa uMnu. Josphat Mzaca Ngulube, isakhamuzi sakoBulawayo, kavumelani loWata ethi iyadula iCashpower njalo inengi labantu balezikwelede njalo abalamali yokuthenga ugetsi ngakhoke ifaka abantu enxakeni.

Ugatsha lukahulumende olubona ngezokugaywa kwamandla kagetsi baphakathi kokulungisa imitshina egaya amandla kagetsi eHwange kunye laseKariba nomanje ilizwe libhekane lezikwelede zamandla kagesti eSouth Africa.

Udaba Esilethulwe NguNompumelelo Moyo
please wait

No media source currently available

0:00 0:03:24 0:00

XS
SM
MD
LG