amalinks wokungena

Breaking News

Inkampani yeZMDC Elahlekelwe yiUS$40 Million Imisa Abaqondisi Abane Umsebenzi


Inkampani kahulumende ebona ngezenjiwayo eye Zimbabwe Mining Development Corporation (ZMDC) isimise abaqondisi abane umsebenzi ukwenzela ukudingisisa udaba lokwebiwa kwezigidi ezingamatshumi amane amadola eMelika-US$40million.

Lanxa umgcinisihlalo we board ye ZMDC engafunanga ukukhuluma ngaloludaba, abazi okwenzakalayo bathi abamiswe umsebenzi bagoqela abaqondisi abathi uMnu. Dominic Mubayiwa, Mnu. Robert Karemba, Mnu. Albert Chitambo kanye loMnu. Tichaona Muhonde.

Abaqondisi laba bacatshangelwa ukuthi batshontshe limali besenza angani bafuna ukuvula umgodi owemba amadayimana eMarange.

Iboard le ibikwa sibize amapholisa ukuthi ahlolisise loludaba njalo lokucatsha kwezigidi ezingamatshumi amathathu zamadola eMelika eyatholwa yi ZMDC kusukela ngo 2008 ekuthengiseni amadayimana eMarange.

Umnu. Rejoice Ngwenya ingcwethi ecubungula ezenotho utshele uGibbs Dube we Studio 7 ukuthi beselivele lidumela emansumpeni ukuthi abaqondisi laba babotshwe.

XS
SM
MD
LG